38-nik ukiulik Københavnimi toqutsisutut pasineqartoq
Københavnimi politiit misissueqqissaartartuisa siuttuat kommissærilu, Carsten Ahrends KNR-imut taama paasissutissiivoq.
Angut Christianshavnip qanittuani Christmas Møllers Pladsip eqqaani tasermi toqungasoq pingasunngornermi ullaakkut siumorneqarpoq.
Politiit misissueqqissaartartuisa siuttuat naapertorlugutamaani atornerluisoqarfeqarpoq toqutsinerlu tassani pisimassangatinneqarluni.
- Oqqattoqalersimarpasippoq persuttaalernermik maltseqartumik, angullu niaqqumigut innarlerneqarlunitoqqutigisaminik, Carsten Ahrends oqarpoq.
Angut toqutaasoq nunami allamiuuvoq 43-nik ukiulik aamma atornerluisoqarfimmiittartoq.
Tigusarineqartoq angut 38-nik ukiulik inatsit tunngaviusut naapertorlugit sisamanngornermi killisiorneqarpoq parnaarussaagallarlunilu.
38-nik ukiulik toqutsinermi pisuunnginnerarpoq, persuttaasimanerli nassuerutigigaa, Ritzau allappoq.
Københavnimi politiit kalaallit angutit pingasut pingasunngornermi tigusariqqaaraluarpaat.
Tamarmik toqutsisutut pasineqaraluarput angulli 38-nik ukiulik pingasunngornermi unnukkut tigusarineqarmat iperagaapput.