27-nik ukiulik sumut tamaanga eqqaassivoq
Angut 27-nik ukiulik arfininngornerup ullaassaani sumut tamaanga eqqaassivoq. Illu ilaqutariinnik meerartalinnik inissimasoqartoq eqqaassinermi eqqorneqartut ilagaat. Akunneq ilivitsoq affarlu qaangiuttoq angut Nanortalimmit politiinit tigusarineqarpoq.
Angutip inuusuttup aamma angunni kiinaatigut savimmik kilerujussuarpaa, kinguninngualu angutip angutaa napparsimavimmut qimaavoq.
Ullaakkut nalunaaqutaq arfinernut qiteqquttoq angut tigusarineqarpoq.
Angut Nanortallip eqqartuussiviannut arfininngormat sassartinneqarpoq, illersorteqanngimmallu ullumi sassarteqqinneqassalluni.
Angut marloriarluni toqutseriartutut, inuillu inuunerannik navianartorsiortitsisimasutut unnerluutigineqarpoq, sapaatillu akunnerini sisamani politiinit tigummigallagassanngortinneqarluni.