26-nik ukiulik Sisimiuni politiinit ujaarineqarpoq
Qulutannguaq Kleist politiinit tigummigallagaalluni Sisimiuni pineqaatissinneqarsimasut inissiisarfianniippoq. Qulutannguaq Kleistimik takunnissimasinnaasut, sumiinneranilluunniit ilisimannittut Sisimiuni Politiinut saaffiginneqquneqarput, Politiit oqarasuaataat tassaavoq 86 42 22 - 86 42 22.
Qulutannguaq Kleist qinnuivigineqarpoq Sisimiuni Politiinut namminneerluni saaffiginneqqullugu. Politiit tamatumunnga atatillugu ilisimatitsissutigaat Qulutannguaq Kleist erniinnaq Sisimiuni politiinut saaffiginninngippat, tusagassiuutitigut ujaqqinneqassasoq, taavalu assinga tusagassiorfinnut aamma tunniunneqassasoq. Sisimiuni Politiit aamma ilisimatitsissutigaat, Qulutannguaq Kleist arlaata angerlarsimaffimminiitikkuniuk tamanna unnerluussinermik imaluunniit pinerluttulerinermi inatsimmik unioqqutitsinermik kinguneqarsinnaammat. Sisimiuni politiit ujaasinertik ippassaq nalunaarutigeeraallu ujaarineqartup aappaa Peri Johansen nammineerluni Sisimiut pinerluuteqarsimasut inissisarfiannut utersimavoq, Sisimiuni politiit nalunaarput.
