Katsorsartittut 2500-t CT-scannerit nutaat atorlugit katsorsarneqarnerat pitsaanerulissasoq

Skannerit nutaat marluk atorlugit nunatsinni napparsimaveqarfinni nakorsartittartut 2500-it missaanniittunik misissuisarneq pitsanngoriassaaq siunissamullu eqqanaarisoqarluni.
Allattoq Karsten Sommer
novembarip 06-at 2017 11:44
Nutserisoq Jaaku Lyberth

- Scannerit taakku marluk inuppassuarnut minnerunngitsumik assilisat pitsaassusaasa qaffasinnerulernerisigut nappaammik suussusersiniaanermik pitsaanerulersitseqataassussaanertik pissutigalugu annertuumik pingaaruteqartussaassapput,  Aqutsisoqarfiup pisortaa Malene Marie Nielsen  atortorissaarutinik nutaaliaasunik atoqqaartitsinermi immikkut ittumik qaaqqusanut taama oqarpoq.

Nakorsartittunut immikkoortortaqarfimmi nakorsaanertut pisortaasoq Folmer Lynggaard oqalugiartunut ilaavoq taassumalu ilaatigut CT scanner atorlugu misissuinerup kræftimik nappaatit suussusersinissaannut, ajutoornerni tassaanngaannaq pisuni kiisalu annertuumik aqqunarnerni pingaaruteqarnera erseqqissarpaa.

Scannerit uummatinik misissuinernut pitsannguutaassasut Folmer Lynggaardip aamma oqaluttuaraa .
Taassuma saniatigut marlunnik scannereqarnerup  scannerip aappa atorsinnaajunnaarallassagaluarpalluunniit - peqqinnissaqarfimmi tamatigut scanner atorlugu misissuisoqarsinnaassaasoq nakorsaanermut pisortap erseqqissaatigaa.

 

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk