24-nik ukiulik kalaallimik toqutsisutut eqqartuuussaavoq

Københavnip ilaani Sydhavnimi angut kalaaleq 39-inik ukiulik, 2011-imi oktobarimi toqutaavoq. Angut 24-inik ukiulik toqutsisutut pisuutinneqarluni ullumi eqqartuussaavoq.
Allattoq Apollo Jeremiassen
novembarip 13-at 2012 10:27

Toqutsineq pivoq inissiat ilaanni, K.M. Klausens Gade-mi kalaallit arlallit erngunnerisa nalaanni. Toqutaasup timimigut niaqqumigullu isummissarneqarnini toqqutigai, Frederiksbergip eqqartuussiviani aalajangiunneqarpoq.

Persuttaanerup kingorna ernguteqataasut ilaat politiinut sianerpoq. Taannalu eqqartuussivimmi ima nassuiaavoq.

- Persuttarneqartoq isaariami uppeqqavoq imminullu illersorsinnaanani. Isummittarneqarpoq timaata aalajunnaarnissaa tikillugu, takunnittoq eqqartuussisumut oqaluttuarpoq, nangillunilu ima oqaluttuarluni.

- Persuttaaneq minuttini 20-ini sivisussuseqarunarpoq. Toqqusassineqarpoq najungasuilu isummittarneqarlutik, isiginnittoq oqaluttuarpoq.

Eqqartuusseqataasoqartillugu eqqartuussisunit tamanit, 24-inik ukiulik unnerluussisutinut tamanut pisuutinneqarpoq.

Novembarip 19-anni aalajangerneqassaaq qanoq angut pisuutinneqartoq pineqaatissinneqassanersoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq