2023-mut periusissiaq: Visit Greenlandip misigisassarsiortitsineq ukiorlu tamaat takornariaqartitsineq anguniarniarai
Takornariaqartitsiviup Visit Greenlandip aalajangersinnaasuuguniuk takornariat amerlanerusut aappaagu 2023-mi qaammatisiutit nutaat aallartippata kalaallit qaqqaat kangerluilu takorloornerussavaat.
Takornariartitsivik mittarfiit nutaat 2023-mi piariinnginnerannut nutaamik periusissiorpoq.
Periusissiami nutaami nunami allamiut takornariat 2023-p tungaanut 5 procentimik amerlisinneqarnissaat ilaatigut anguniagaavoq.
#1 Takornarianik misigisassarsiorusuttunit takornariarusunnerup annertusarnera
#2 Kalaallit Nunaat tamakkerlugu ukioq kaajallallugu takornariartitsineq
#3 Ilisimasanik avitseqatigiinneq aamma piginnaasanik qaffassaaneq
#4 Periarfissaasuni killiliussani piumasaqaatit siuarsarnerat
Takornariat ilorrisimaassapput, nunatsinnilu innuttaasunit tallimanit ikinnerpaamik sisamat takornariaqarneq ajunngitsutut isigissagaat allassimavoq.
Misigisassarsiorfittut ilisimaneqalernissaa
Visit Greenlandip angusassat sisamat periusissiami sammivai.
Visit Greenlandip takornariat misigisassarsiorusuttut amerlanerulersikkusuppai nunarpullu misigisassarsiorfissatut ilisimaneqalersikkusullugu.
Matumani Europap kujataanit, Asiamit, nunanit Beneluxinittut takornariartussanik ussassaarinermut suliniuteqartoqassaaq.
Takornariartitsiviup assersuutigalugu kiffartuussilluarnermik sillimaniarnermillu takutitsisussamik pitsaassutsikkut nalunaaqutsersuinermik aaqqissuussisoqarnissaa kissaatigaa.
Ukiuunerani neqerooruteqartarneq pitsanngorsarneqassasoq
Takornariartitsinermi siuarsarneqartussani ukioq kaajallallugu takornariartitsisinnaanerup ukiumi neqerooruteqarnikkut annertusarnera.
Aamma takornarialerisut inerisarneqassasut, Visit Greenland isumaqarpoq. Assersuutigalugu takornarialerisut qarasaasiatigut periarfissanik atuinissaannik ikiorneqassapput.
Kingullertullu, Visit Greenlandip takornariaqarnermi sinaakkutit qulakkeerluarnissaat ukiuni tulliuttuni sisamani anguniarniarpaa.
Taakku akitsuutinut, takornariartitsinissamut akuersissutinut ilinniarsimassusermullu ilaatigut tunngapput.
