SILA 2016 nunarsuarmi kiannerpaaffiusoq
Ukioq 2016 nunarsuarmi kiannerpaaffiusoq, amerikami silasiorluni ilisimatusarfimmit National Oceanic and Atmospheric Administrationimit, Noaa-mit, inerniliunneqarpoq.
![](/sites/default/files/styles/image_934x467/public/portugal_naturbrand.jpg?itok=2Vir58R9)
Portugalimi nunap ilaa ikuallappoq.
Allattoq Ritzau
Ukioq 2016 nunarsuarmi kiannerpaaffiusoq, amerikami silasiorluni ilisimatusarfimmit National Oceanic and Atmospheric Administrationimit, Noaa-mit, inerniliunneqarpoq.
Nunarsuatsinni ukiut 137-t matuma siorna silap kiassusia ilisimatuunit silasiortunillu uuttoortarneqartalermalli aatsaat taama kiatsigisimavoq.
Silap pissusiata allanngoriartornera El Niñollu sakkortunerunera pissutigalugit nunarsuarmi 2016-imi kiannersuaqarpoq.
Nunarsuarmi sermeqarfiit ukiuni 37-ni ukiumut meterimik ataatsimik milleriartartut, nalunaarusiami allassimavoq.
Sumiiffinni arlalinni 2016-imi kiannersuaqarpoq, panernersuaqarluni sialussuarujussuaqaqattaarlunilu.