Timersorneq

2016-ip tungaanut nunanut allanut unammisartussat toqqarneqartut

Angutit assammik arsarlutik nunanut allanut unammisartut sungiusaasuuata Niels Møllerip unammisartut 23-t toqqaqqammerpai.

Allattoq Simon Uldum -

aggustip 31-at 2015 07:32

Unammisartussatut toqqagaallartut tassaapput unammisartut Amerikap nunavittaani assammik arsarluni unammersuarnissap aappaagu juunip qaammataani ingerlanneqartussap tungaanut nunanut allanut unammisartunut peqataarusullutik nalunaarsimasut. Nunattalu unammersuarnissamut anngussinnaanissaa neriuutigineqarpoq. Nunanut allanut unammisartut sungiusaasuat Niels Møller tusagassiorfinnut nalunaaruteqarluni taama allappoq.

Amerikap nunavittaani assammik arsarluni unammersuarnissamut anngunniuuttoqassaaq, tamannalu USA-mi Auburnimi marsip qaammataani pisussaavoq.

Unammisartoqatigiit ingerlaavartumit ilanngarneqarlutillu ilaneqartassapput, maannamullu toqqagaasut tassapput:

Patrick Frederiksen, GSS
Isak Olsen, STIF Savalimmiut
Daniel Egede, Viby IF
Taatsiaq B. Villadsen, NÛK
Miki Johnsen, NÛK
Lars Ole Lyberth, GSS
Nuka Heilmann, GSS
Miki Heilmann, GSS
Nuuno Lars Olsen, VIF Savalimmiut
Inuk Olsen, GSS
Mikkel Ostermann, Norsaq
Nukannguaq Salomonsen, SAK
Inuujuk O. Søholm, Norsaq
Karl F. Frederiksen, GSS
Danny Brandt, VIF Savalimmiut
Eqalunnguaq Kristiansen GSS
Andreas Lorentsen GSS
Minik Dahl Høgh GOG
Akutaaneq Kreutzmann GOG