2015-imut qaleralittassat

2015-imut qaleralittassiissutit suli akuerineqanngikkaluartut, qaleralinniartoqarsinnaalerpoq. Taama tusagassiutinut nalunaarput Naalakkersuisut.

Allattoq Apollo Jeremiassen

februaarip 02-at 2015 17:00

Avannaani 2015-imut qaleralittassat Naalakkersuisunit suli akuerineqanngillat. Tamanna pillugu Aalisarnermut, Piniarnermut Nunalerinermullu Naalakkersuisoqarfik ima nalunaaruteqarpoq:

Aalisariutit 6 meterinik anginerit Qeqertarsuup Tunuani, Uummannami Upernavimmilu qaleralinniartut aalisarsinnaanerminnut 2014-imut akuersissutitik atorlugit aalisarnertik ingerlatiinnarsinnaavaat.

Qaammammut februaarimut 2015-imut qaleralittassiissutigineqartut siornatut, 2014-imi februaarimi pisassiissutigineqartutut amerlatigipput.

Aamma atuaruk Aqutsiveqarfimmi Uummannami ukiumoortumik qaleralittassiissutit tamakkeraat

Tamanna atuutsinneqarpoq sumiiffinnut pineqartunut 2015-imut qaleralittassiissutigineqartussat Naalakkersuisut akuersinissaasa tungaannut.

Aamma atuaruk KNAPK: Qaleralittanik amerlisaanissaq akisussaassuseqanngitsuliorneruvoq

Taama nalunaarput Aalisarnermut, Piniarnermut Nunalerinermullu Naalakkersuisoqarfik.