Aqutsiveqarfimmi Uummannami ukiumoortumik qaleralittassiissutit tamakkeraat
Aqutsiveqarfimmi Uummannami ukiumoortumik qaleralittassiissutigineqartut 2.389 tonsiusut tamakkerlugit aalisarneqarsimanerat Aalisarnermut, Piniarnermut Nunalerinermullu Naalakkersuisoqarfiup maanna erseqqissaatigaa.
![](/sites/default/files/styles/image_934x467/public/article_images/hellefisk_2_630_9_0.jpg?itok=6QBwuQ03)
Allattoq Hagen Højer Christensen
Nutserisoq Simon Uldum -
Taamaammat pisassiiffiusumi qaleralinniarneq unitsinneqassaaq, sumiiffinnili annikinnerusuni killilersugaaffiunngitsuni aalisarneq ingerlaannarsinnaavoq.
Umiatsiaararsortunut qaammammoortumik qaleralittassiissutigineqartut oktobarip qulingani aamma nungunneqarput. Umiatsiaararsorlutilli aalisartut novembarip aallaqqaataani qaammammoortumik pisassiissutigineqartut 374 tonsiusut ammaanneqarpata aalisarnertik aallarteqqissinnaavaat.
KNAPK-lli umiatsiaararsortunut decembarimi qaleralittassiissutit ilaat oktobarimut novembarimullu nooqqullugit Naalakkersuisuugallartunut qinnuteqaateqarsimanera Naalakkersuisoqarfiup aamma ilisimatitsissutigaa.