Nunatta aningaasaqarnera 2015-imi pitsanngoriaateqarfiusoq
Nunatta 2015-imi aningaasaqarnerata kisitsisitai Naatsorsueqqissaartarfiup saqqummiuteqqammerpai, nunattalu aningaasaqarnerata 1,7 procentinik pitsanngoriaateqarneranik takutitsipput.
Allattoq Thomas Munk Veirum
Nutserisoq Simon Uldum -
Ukioq 2015 taamaalilluni Nunatta aningaasaqarnerata siuariartorfigilerpaa, aningaasaqarnermi 2013-imi -3 procentinik 2014-imilu -0,8 procentinik ajorseriartarsimammat.
Naatsorsueqqissaartarfik naapertorlugu, aningaasaqarnerup 2015-imi pitsanngoriarneranut atuineq pissutaanerpaavoq.
Nunatsinnimi tunisat ataatsimut nalingat (BNP), 2010-mi akit tunngavigalugit, 2015-imi 13,077 milliardit koruuniupput.
2012-imi, aningaasaqarnerup ajorseriarnerat siorna, 2010-mi akit tunngavigalugit kisitsisit taakku 13,365 milliardit koruuniupput, taamaammaat Nunatsinni tunisat 2012-imi ataatsimut nalingat suli anguneqaqqajanngillat.
Tunisassiornerup nalinga (BNP), akit qaffakkiartornerat peerlugu. Najoqqutarisaq: Naatsorsueqqissaartarfik