2011-mi Kitaani 187-inik tikaagullittassiisoqarpoq
Arfanniartarneq pillugu Nunat Tamalaat Kommissioniat siunnersuineq naapertorlugu arfernik angisuunik ukiunut tallimanut pisassiissutit najoqqutaralugit pisassiisoqarpoq.
Kitaani ukiunut tallimanut, tassa 2008-mit 2012-imut tikaagullinnut, tikaagulliusaanut arfivinnut qipoqqarnullu kiisalu Tunumi tikaagullinnut pisassiisoqarnikuuvoq.
Naalakkersuisoqarfiup tusagasssiuutinut nalunaarummini erseqqissarpaa, decembarip 31-anni pisat nalunaarsorneqareerpata, pisassanik allannguallatsitsisoqarsinnaasoq.
Maannamulli pisassiissutaasut tassaapput Kitaani tikaagulliusaat qulit, aamma arfiviit marluk apriilip aallaqqaataaniit decembarip 31-annut Kitaani pisarineqarsinnaasussat.
Aamma piffissami tassani qipoqqaat qulingiluat pisarineqarsinnaassapput.
Taavalu tikaagulliit, tikaagulliit Kitaani pisarineqarsinnaasussat 187-iupput, Tunumilu 15-iullutik. Tikaagullinniarsinnaaneq aamma apriilip allaqqaataaniit ukiup naaneranut atuutissaaq.
