200-t avataani juullisiussapput
Polar Seafoodip kilisaataataani arfiniliusuni marluk, Danmarkimi amutsivimmiittut eqaassanngikkaanni sinneri sisamat, nunatta kitaata avataani juullisiussasut Polar Seafoodimi aalisartitsisup Jens Kleistip oqaatigaa.
Taamattaaq Royal Greenlandip umiarsuaataai qulit Kilisaatit tallimat, raajarniutit sisamat aalisakkanillu kilisattoq ataaseq avataani juullisiorniartut Royal Greenlandip avammut tusagassiisartuat Sofia Geisler oqarpoq.
Ukiut tamangajaasa avataani juullisiortareersimasoq Johan Svendsen Qeqertarsuarneersoq Polar Nattoralimmi inuttaq oqarpoq, avataani juulli ulluinnartut allatut sulliviusoq ataatsimut nereqatigiinneq eqqaassanngikkaanni. ilaquttallu juullikkunni eqqaamanartaraluaqisut aningaasarsiortariaqaramik aamma sungiutassaasoq.