200 koruuni nutaaq atulerpoq
200 koruuni nutaaq ullumimiit Danmarkimi atulerpoq. Kalaallit Nunaannili sapaatit akunneri marlussuit atulernissaanut utaqqilaassaagut.
oktobarip 19-at 2010 04:43
- 200 koruunit nutaanngitsut uninngasuutigut suli nungunngimmata, aatsaallu aningaasanik nutaanik, qaammat una naalerpat inniminniinissussaagatta nutaat utaqqilaaqqaartariaqassavagut, Grønlandsbankimi aningaaserisuuneq, Iben Jørgensen oqarpoq.
Nuummiut aningaasanik nutaanik siulliullutik atuilersussaapput, qaammatillu tulliata ingerlanerani illoqarfiit allat atuilersussaallutik.
Aningaasat nutaat maannamit saqqummersussat assiliartarissavaat Danmarkimi ikaartarfiit. 200 koruunip nutaap assiliartarivaa, Christianshavnip Amargerimut ikaartarfia, Knippelsbro.
500 koruuni nutaaq aappaagu februaarimi saqqummissaaq, 1000 koruuni majimi saqqummissalluni.
