Nanortalimmi politiit nukappissamik 19-nik ukiulimmik Avatannguaq Isaksenimik ujaasinertik taamaatiinnaraat Nanortalimmi politiit nalunaarutigaat. 19-nik ukiulik marlunngormalli julip sisamaani maqaasineqalerpoq. 19-nik ukiulik aquuteralalluni Nanortalimmiit nunaqarfimmut Tasiusamukaraluarpoq. Umiatsiaaraa immassimaqisoq marlunngormalli nassaarineqarpoq, umiatsiaararlu taanna Tasiusamiit kujammut 300 meterit missaanni ungasitsigisumiittoq nassaarineqarpoq.
- Marlunngormalli ujaasileraluarpugut iluatitsinatali, taama radio aviisimut oqarpoq Nanortalimmi politi Rie Klose.
Taanna erseqqissaavoq ujaarineqartup ilaqutai kammalaataalu tamarmik ujaaseqataasimagaluartut iluatsinngitsumilli.
Rie Klose ajuusaarluni oqarpoq, ujaasineq allatut ajornartumik unitsinneqartariaqarsimasoq.