19-inik ukiulik inissiisarfimmit qimaasoq
Angut kalaaleq 19-inik ukiulik, tarnimikkut napparsimasut immikkoortortaqarfiannut, Risskovimut, inissinneqartussanngorlugu pineqaatissinneqarnikoq, qaammatit marluk ingerlaneranni aappassaanik ippassaq unnukkut qimaavoq.
Allattoq Carla Davidsen
19-inik ukiulik taanna toqutsinermi kingorna Risskovimut inissinneqarpoq, ulorianartutullu nakorsanit nalilerneqarluni, taamaammat qimaammat Aarhusimi politiit arlalissuit ingerlaannaq ippassaq ujaasilerput.
Sunami tamarmi eqqissisimasumik inerneqarpoq.
Angummi nammineerluni unnuaq unnuap-qeqqanngitsoq utertoq, Østjyllands Politiini pigaartoq ilisimatitsivoq.
Taasuuma oqarnera naapertorlugu angut inissiisarfiup silataani aneertilluni qimaagaluarpoq.