17-inik ukiullip kapitinnini toqqutigigaa

17-nik ukiulik arfininngornermi niaqqumigut savimmik kapitereerluni ikilerneqarnini toqqutigisimagaa, politiit tusagassiuutinut nalunaaruteqarput.
Allattoq Kenneth Elkjær
aggustip 23-at 2017 13:27

Politiit naapertorlugit 17-inik ukiulik niaqqumigut kapineqarpoq inuuneralu navianartorsiormat Nuummut Dronning Ingridip Napparsimmavissuanut ulloq taanna aallarunneqarpoq.

Maannalu Dronning Ingridip Napparsimmavissuani marlunngorermi toqukkut qimagussimasoq politiit ilisimatitsipput. 

Savimmik kapisineq Ilulissani najukkami arfininngormat nalunaaqutaq aqqarnup missaani pivoq. Politiit pisoqarfimmut takkukkamik angut 21-nik ukiulik tigusarineqarpoq toqutseriartutullu pasineqarluni.

21-nik ukiulik inatsit tunngaviusoq naapertorlugu sapaammi killisiorneqarpoq ullunilu 25-ni tigummigallagassanngortinneqarluni.

Nakorsap toqusunik misissuisartup Danmarkimeersup 17-nik ukiullip timaa misissussagaa, politiillu suliaq toqutsisoqarsimasutut paasiniaaffigigaat. 

Qanigisaasut ilisimatinneqareerput.

AAMMA ATUARUK 17-inik ukiulik savimmit kapitereerluni navianartorsiortoq

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq