17-nik ukiulik parnaarussivimmiittussanngorlugu pineqaatissinneqarsinnaanngorpoq
Angut inuusuttoq 17-inik ukiulik, 2007-mi Ålborgimi arnamik 85-inik ukiulimmik toqutsisoq parnaarussivimmiittussanngorlugu pineqaatissinneqarsinnaasoq, nakorsat tarnip pissusiinik misissuisartut aalajangerpaat. Angut inuusuttoq januaarip naalernerani eqqartuussivimmut sassartinneqassaaq.
Allattoq Louise M. Kleemann
januaarip 07-at 2009 11:59
Angut inuusuttoq taanna ukiumi ataatsimi affarmilu parnaarusimaneqareersorlu nakorsat aalajangiisartuisa pineqaatissinneqarsinnaasutut aalajangiiffigaat.
Angutip taassuma 18-it inorlugit ukioqarnera pissutigalugu, sivisunerpaamik ukiuni arfineq-pingasuni parnaarussassanngorlugu pineqaatissinneqarsinnaavoq, unnerluussisullu Lone Lyngsøep tamanna piumasariniarlugu nutaarsiassaqartitsivimmut Ritzauimut oqaatigaa.
Angut taanna 2007-mi maajimi 15-inik ukioqarluni, 85-inik ukiulik Gerda Møller Ålborgimi angerlarsimaffiani savimmik kaporlugu niaquatigullu annersarlugu toquppaa, pinngitsaalillugulu arneriffigalugu.
Pinerluffimmi tuminik misissuinerit tunngavigalugit pinerluttoq inuttassarsineqarpoq.
