17-nik ukiulik aqagu eqqartuunneqassaaq
Nukappiaq 17-inik ukiulik ukiut marluk matuma siorna arnamik utoqqarmik pinngitsaaliillunilu toqutsisutut pasineqartoq, Aalborgimi aqagu eqqartuunneqassaaq.
Allattoq Louise M. Kleemann
januaarip 26-at 2009 09:52
Angut inuusuttoq 18-it inorlugit ukioqarmat sivisunerpaamik qaammatini arfineq-pingasuni tigummineqartussanngorlugu pineqaatissinneqarsinnaasoq, unnerluussisoq Lone Lyngsøe Ritzaumut oqarpoq.
17-inik ukiulik qaammatini 17-ini tigummigallagaareerpoq, eqqarsartaatsimigullu arlaleriarluni misissorneqareerluni.
Nakorsallu eqqartuussinermut atatillugu siunnersuisartut 17-inik ukiullip nalinginnaasumik pineqaatissinneqarnissaa, aalajangiuppaat.
Nukappissap qaammatini 17-ini tigummigallagaanermini eqqarsartaatsikkut inuttullu ineriartornermigut unittoorsimanissaa, illersuisuata Nicholas Symesip, ilimagaa.
Taamaattumik illersuisup suliaq inuit pisinnaatitaaffiinut tunngasunut eqqartuussivimmut inummik naalliutsitsinertut nalilerlugu ingerlateqqippaa.
