16-inik ukiulik Paamiuni pinngitsaalineqarpoq
Angut 29-nik ukiulik arnamut 16-inik ukiulimmut pinngitsaaliisimasutut pasineqarluni Paamiuni tigummigallarneqarpoq.
Allattoq Najaaraq Egede
Angut Paamiut isertitsiviani sapaatip-akunnerini marlunni tigummigallarneqassaaq.
Pinngitsaaliilluni arnerisoqarsimanera fiistertoqarnerani tallimanngormat aallartittumi pisimanerarneqarpoq. Arnap 16-inik ukiullip arfininngormat ullaassakkut pinngitsaalineqarsimanini politiinut nalunaarutigaa, angullu eqqartuussisumut ippassaq sapaammi sassartinneqarmat, tassani aalajangerneqarpoq suliap paasiniarneqarnerani angut 29-nik ukiulik ulluni 14-ini tigummigallarneqassasoq, taama Paamiuni politeeqarfiup pisortarigallagaa Kim Andreassen ilisimatitsivoq.