Qaqortumi 16-nik ukiulik mianersuaalliortutut toqutsisimasutut pasisaasoq

14-inik ukiulik timaata saamiata tungaatigut eqqortoorneqarnermi ikilerneqartoq kinguninngua toquvoq. 16-inik ukiuliuk politiinit tigummigallarneqarpoq.
Tigummigallarneqartoq aggustip pingajuata tungaanut tigummigallarneqassasoq Kalaallit Nunaanni Eqqartuussisuuneqarfik ippassaq juulip arfernanni aalajangerpoq. Assi © : Pressefoto/Rigspolitiet
Allattoq Mathies Hvid Toft, Andreas Wille
juulip 07-at 2021 12:54

Qaqortumi sapaatit akunnerata naanerani 18-it inorlugit ukiuliuk mianersuaalliorluni toqutsisimasutut pasineqarluni tigusarineqarpoq.

Toqunneqartoq aamma 18-it inorlugit ukioqarpoq. Tigummigallarneqartoq aggustip pingajuata tungaanut tigummigallarneqassasoq Kalaallit Nunaanni Eqqartuussisuuneqarfik ippassaq juulip arfernanni aalajangerpoq.

Kalaallit Nunaanni politiit tusagassiuutinut taama nalunaarput.

Killisiuineq matoqqasumik ingerlanneqarpoq, taamaattumik eqqartuussivimmi susoqarsimanera pillugu politiit annertunerusumik paasissutissiisinnaanatik allapput.

Pasineqartoq 16-inik ukiulik juulip sisamaani Qaqortumi ullaakkut aallaammik seqqorsimavoq inullu timaata saamiata tungaatigut eqqortoorsimallugu. Eqqorneqartoq 14-inik ukioqarpoq ikilerneqarnermilu kinguninngua toqulluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq