15-issaa Arctic Circle Race-rtoqassaaq

Nunarsuarmik sisoraatinik oqilaniunnerit sakkortunersaattut taasartagaq Arctic Circle Race piffissami apriilip 8-niit 10-anut 2011 ingerlanneqassaaq, poorskimut ullut 14-it sioqqullugit. ACR 2011 15-issaanik aaqqissuussinerussaaq.
Allattoq Najaaraq Egede
januaarip 11-at 2011 13:56

Ingerlaarfissaq pisarnertut 160 kilometeriussaaq ulluni pingasuni ingerlanneqassalluni, aammalu periarfissaqassaaq ACR 100-mut peqataasinnaanermik taannalu 100 kilometerinik isorartussuseqarpoq. Peqataasut tammaarsimaffimi ulluni marlunni tupermi unnuisassapput.

ACR-ip ingerlanneqartalerneraniilli ukiut 15-issaat ingerlanneqalerpoq.

- Siulersuisut qilanaarput ACR ukiut 15-ngornerat nalliuttorsiornartumik ingerlanneqarnissaan-nut, minnerunngitsumillu namminneq piumassutsiminnik ikiuuttartorpassuit taamatulli qilanaalereerput ikiuuteqqinnissaminnut, siulersuisut siulittaasuat Jens Karl Lennert oqarpoq.

ACR kingumut nunarsuaq tamakkerlugu tusagassiorfissuarnit soqutigineqar-simavoq, soorlu Trans World Sport ACR 2010-ip ingerlanneqarnerani malinnaasimavoq TV-kkullu aallakaatitassiorluni, taamaalilluni nunarsuarmi tamarmi ACR 2010-ip ingerlanneqarnera takuneqarsinnaasimavoq.

- ACR 2010 taamaasilluni nunani assigiinngitsuni 138-ini takusassiarineqarsimavoq, naatsorsuutigineqarporlu angerlarsimaffinni 250 millionini takuneqarsinnaasimasoq, Jens Karl Lennert ilisimatitsivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq