15-inik ukiulimmut pinngitsaaleeriaraluartoq
Angut 40-t missaannik ukiulik, Ilulissat avannaani nunaqarfiit ilaanni najugalik, niviarsiaqqamik 15-inik ukiulimmik pinngitsaaleeriaraluarnermi kingorna, Ilulissani politiinit tigusarineqarpoq.
Allattoq Louise M. Kleemann
Pinngitsaaleeriaraluarnerup kingorna niviarsiaraq ilaquttani peqatigalugit
Ilulissiarput, pisoq politiinut nalunaarutigiartorlugu. Ilulissani politiit nunaqarfiliarput, angut pinngitsaaleeriarsimasutut pisuutinneqartoq tigusariartorlugu. Angut Ilulissat eqqartuussivianni sassartinneqassaaq,
pinngitsaaleeriarnerli nunaqarfimmi sumi pisimanersoq, Ilulissani politeeqarfiup pisortaata oqaluttuarisinnaannginnerarpaa.