15-inik ukiulimmik atoqateqarnini tunuassutigaa
Niviarsiaq 15-nik ukiulik mamiallaataasinnaasumik iliuuseqarfigereeraalu tamanna pivoq.
DSU-mi, tassa Socialdemokratit inuusuttaani, poorskip nalaani pikkorissartitsisoqareersorlu niviarsiaqqamik 15-nik ukiulimmik kusananngitsumik iliuuseqarsimanini nassuerutigalugu Jeppe Kofodi tusagassiutinut nalunaaruteqarnermini taama allappoq.
- Pisoq nammineq akisussaaffigaara, assorsuarlu ugguarutigalugu. Nammineq naliliisinnaassusera amigarsimavoq, akuusullu tamarmik utoqqatsissuteqarfigisimallugit, taama nalunaarutimini allappoq.
Kingullermi Folketingimut qinersisoqarmat Jeppe Kofod-ip inunngorfimmini Bornholmimi qinigassanngortippoq, tamaanilu Socialdemokratini qinigassanngortuni taagorluarneqarnerpaanut ilaalluni, tassami Bornholmermiut sisamaagaagata ataatsip Socialdemokrateq inuusuttoq taanna qinermassuk.