15-inik ukiulik Danmarkimi eqqartuussivimmi killisiorneqaqqissaaq
Nukappiaraq 15-inik ukiulik, arnamik 85-inik ukiulimmik Aalborgimi maajimi toqutsisimasutut pasisaq, Qaqortumi septembarip ulluisa 13-ianni tigusaammalli paasissutissat nukappiaqqamut tunngassuteqartut Kalaallit Nunaanni sullissisunit tamanit oqaaseqarfigitinniarneri ajornavissimapput.
Nukappiaraq 15-inik ukiulik pingasunngorpat Danmarkiliaanneqassaaq. Inatsillu tunngaviusoq malillugu Aalborg byrettimi sisamanngorpat killisiorneqaqqissasoq, Nordjyllandip politeeqarfiani vicepolitinspektør, Frank Olsen, Radioavisimut ilisimatitsivoq.
Taanna aamma oqarpoq nukappiaqqap tigummigallarneqarnissaa ilimagalugu, inuusuttuaqqanullu inissiisarfimmut matoqqasumut inissinneqarnissaa aamma naatsorsuutigigini.
Nukappiaraq politiinit pingasunit Danmarkimeersunit ingerlaqatigineqassasoq, Frank Olsen aamma ilisimatitsivoq.