15-inik ukiulik atuarfik qaartartumeerniarlugu sioorasaarivoq

Atuartup 15-inik ukiullip qaartartumeeriniarluni Facebookimi sioorasaarinera tamatumunnga patsisaavoq, tamannami politiit ilungersunartutut isigimmassuk.

Taamaattumik qanoq iliornissamut piareersaataasartut tamarmik atorneqarput. Tamakkununnga ilaallutik inuit atuarfimmiittut qimagussortinneqarnerat atuarfiullu assersorneqarnera, Kirstine Spiegelenberg Polimestereqarfimmi unnerluutiginnittunit taama ilisimatitsivoq.

Sioorasaarisoqarnera politiinut ippassaq ualikkut nalunaaqutaq pingasut qaangilaaraa politiinut nalunaarutigineqarpoq.

Atuartoq sioorasaarisoq kingusinnerusukkut politiit nanivaat, tigusarineqaramilu killisiorneqarluni tamatumalu kingorna iperagaatinneqarluni.

Ilanngullugu oqaatigisinnaavarput, taamaallaat sioorasaarisoqarmat, tassami atuarfik misissuiffigeqqissaarneqarmat qaartartumik nassaartoqanngilaq.