15-iliineqanngitsut biilinik Nuummi ajutoorput

Nukappiaqqat pingasut, marluk 15-iliineqanngitsut ataaserlu 15-ileeqqammersoq, biilinik ullaaq tillipput, Nuummilu illoqarfiup immikkoortuata Qinngutta tungaanut ingerlaartillutik ajutoorlutik.
Allattoq Mads Lynge
aggustip 15-at 2009 11:29

Biilit Mitsubishit arfinermut qiteqquttoq ajutoorput. Biilit attartortittagaapput, ajutoornermilu aseruillutik. Poul Petersen, Nuummi politiineersoq Radioaviisimut taama oqarpoq.

Taassuma aamma ilisimatitsissutigaa nukappissat annerusumik ajoqusersimanngitsut.

- Nukappiaraq ataaseq nakkutigineqartussatut Dronning Ingridip Napparsimmavissuani uninngatinneqarpoq, allallu marluk angerlartinneqareerlutik, Poul Petersen oqarpoq.

15-inik ukiulik politiinit killisiorneqarpoq, tillinniarsimasutullu, imigassartorsimallunilu biilersimasutut, ingerlatitsisinnaanermullu allagartaqarani biilersimasutut pissutissalimmik politiinit pasineqarluni.

Qulliup napasua ajutoornermi uppisinneqarpoq, biilillu aqquserngup sinaakkutaata avataanut pipput, ulikattarlutillu. Ajutoorneq eqqarsaatigissanngikkaanni sapaatip-akunnera eqqissisimaffiusimasoq, Nuummi politiit nalunaarutigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq