12.12.12: Aappariit arfineq marluk Kullorsuarmi katissapput

Ullumikkut ulloq immikkut ittussaavoq aappariippassuit kommuunit allaffiini oqaluffinnilu katittussaammata. Upernaviullu avannaani Kullorsuarmi ulloq aamma immikkorluinnaq ittussaavoq.
Allattoq Noah Mølgaard
decembarip 12-at 2012 05:07

Aappariit arfineq marluk Kullorsuarmi 447-nik inulimmi kommuunimit katitinneqarnissartik kissaatigisimavaat. Kommunalbestyrelsemut ilaasortaq Themothæus katititsisuussaaq.

- Ukiuni 20-ni qinikkatut sulivunga aammalu kommunip allaffiani arlaleriarlunga katitsisarsimallunga. Kisianni nunaqarfitsinni aappariit arfineq marluk katinnissaat immikkorluinnaq ittussaavoq, Themothæus Petersen KNR.gl-mut oqarpoq.

Katisitsinerit nalunaaqutaq qulinut aallartissapput aappariit pingasut kommuunip allaffiani katissammata. Taava aappariit marluk allat ullup qeqqanut katissapput. Aappariit marluk aamma namminneq angerlarsimaffimminni katinnissartik kissaatigisimavaat.

Ullumikkut ulloq malunnartinniarlugu innuttaasunut sullissivimmi Qaasuitsup Kommunia kaffillerniarpoq.

- Oqareernittut ulloq immikkorluinnaq ippoq. Taamaammat nunaqqatitsinnut kaffillerniarluta aalajangerpugut, Themothæus Petersen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq