11. september USA-mi malunnartinniarneqarpoq

Ilaatigut maanna Ground Zero-mik taagorneqalersusimasumi New Yorkimiittumi aamma USA-p Illersornissamut ministeriaqarfiata eqqaani.

New Yorkimi eqqaaniaanermi peqatasut ilagaat USA-p præsidentiata tullersortaa Joseph Biden aamma New Yorkip borgmesteria Michael Bloomberg.

Eqqaaniaanermi atugaalersimavoq World Trade Centerimi ajunaartut 2.752-it aqqisa taagorneqarnerat.

USA-p præsidentia Barack Obama Pentagonimi eqqaaniaanermi peqataavoq, Pentagon pinerliinianit aamma saassunneqarluni eqqugaavoq.

Ukiut quligiluat qaangiussinerat upperisarsiornikkut pissaganartorsiorfiuvoq aamma. Assersuutitut taaneqarpoq, Floridami palasi oqallisaaqisoq, Terry Jonesi, muamaakkut biibiliannik Koranimik ikuallaaniarluni pilersaartoq, maanna New Yorkiliarluni ingerlaartoq oqallisaagaatsiarluni.

Koranimit ikuallaaniarluni sioorasaarigaluarnera, maannali taamaatiinnakkani, musliiminit amerlaqisunik qisuariarfigineqareerpoq. Soorlu Afghanistanimi muamaakkut 10.000-it ippassaq NATO-p Afghanistanimi timmisartoqarfissuani ujaqqanik milloorput, tassanilu inuk ataaseq toqutaavoq..