Tyrkiamiut 100.000-it saassusisoqarmat qimaasut
Syriap avannaani killeqarfik Tyrkiap tiguarsimanerarpaa, kurderilli sakkutuuisa SDF-ip siuttuata tamanna ilumuunnginnerarpaa.
Ras al-Ainip killeqarfia oktobarip 12-ani tiguarneqarmat Tyrkiamiunut tapersersortaasut syriamiut sakkutuullu takunnittuupput.
Allattoq Ritzau
oktobarip 13-at 2019 11:40
Syriap avannaani tyrkerit saassussimmata inuit 100.000-it angerlarsimaffitik qimappaat, taakkunani 65.000-it killeqarfimmit Ras al-Ainimit qimaasuullutik.
Tamat inuussutissaqarnissaannik Naalagaaffiit Peqatigiit pilersaarusiortui WFP arfininngornermi taama nalunaaruteqarput.
Qimaasullu suli amerliartortut WFP-p nalunaarutigaa.
Sakkuaannerup saniatigut ajornartorsiutinik allanik aamma nassataqarpoq.
Ras al-Ainimi imeqarfissuaq eqqorneqarpoq, inuillu 400.000-it eqqorneqarlutik.
