10 koruuni nutaaq saqqummilerpoq
Kuulti Kalaallit Nunaanneersoq miserratissaanngitsumik pilerigineqartorujussuuvoq.
Aningaaserivissuup Nationalbanken-ip Issittup Ukiuinut atatillugu aningaasaq saqqummersitassaa siulleq ataasinngorpat saqqummissaaq. Taanna 10 koruuniuvoq, assiliartaa tassaalluni nanoq, eqqumiitsuliortup Niels Motzfeldtip titartagaa.
10 koruunip nalinginnaasup saniatigut katersugalinnut immikkut sanaaqarpoq, tassa 10 koruuni kuultimit Kalaalit Nunaanneersumit sanaaq.
Tusagassiortunillu ullumi katersortitsinermi Nationalbankimi pisortaaneq, Torben Nielsen, oqarpoq, 10 koruunit immikkut sanaat assorujorujussuaq soqutigineqartut.
- Kuulti Kalaallit Nunaanneersoq atorlugu aatsaat aningaasaliortoqarpoq, taannalu ima soqutigineqartigaaq, suliluunniit saqqummerani nungoreersoq, Danmarkimi kunngip aningaasaliofia, Den Kgl. Mønt nalunaareerluni, Torben Nielsen oqaluttuarpoq.
Oori Nationalbankip saqqummersitassaa tulleq Kalaallit Nunaannut aamma attuumassuteqalaarpoq. Taanna 20 koruuniussaaq assiliartaralugu umiarsuaq alapernaarsuut ”Vædderen”. ”Vædderen” ilisimasassarsiornermit Galathea-mit maannakkorpiaq attartorneqarpoq.
20 koruuni nutaaq apriilip ulluisa 25-ianni saqqummissaaq, tassa ”Vædderen” Danmarkimut uterpat.
