Kuupik Kleistip qitiusumik naatsorsuuserinermut immikkoortortaqarfik apeqquseraa
Kuupik Kleistilli tamanna illuatungilerluinnaraa, aviisi AG ippassaq allappoq.
Aningaasat akiligassat nammineq taarsigassani tamakkerlugit akilereersimanerarlugit suliaq novembari aallartiinnartoq oqaatigaa.
Tamatuma Namminersorlutik Oqartussani qitiusumik naatsorsuuserinermut immikkoortortaqarfimmut kingorna paasiniaavoq, suli taarsigassaqannginnini qulakkeerniarlugu. Suliarli suli misissuiffigineqarmat, akiumaneqanngilaq, AG allappoq.
Pisullu tamakkiisumik isigineqarsinnaaleqqullugit paasitinneqarnissaminillu piumasaqarluni eqqartuussissuserisumik ikiortissarsivoq.
- Naammagittaalliuutinni pineqartoq tassaavoq pineqartunik naalakkersuisoqarfik akisussaasoq peqatigalugu misissuataarinissamut suli periarfissaqarsimannginnera, tamatungalu marloriarluni takkunnera eqqumiigisorujussuuara, aallaqqaammut pineqartunik paasitinneqarnissannik itigartinneqarsimagama, Kuupik Kleist aviisimut AG-mut oqarpoq.
