GM 2018 Utoqqaanersaq inuusunnersarlu tamarmik isertitsisut
Isikkamik arsarluni pingasunngornermi pissartanngorniunnermi katillugit 31-riarluni målertoqarpoq.
48-nik ukiulik Jonas "Kidi" Hansen aamma 14-inik ukiulik Nemo Thomsen tamarmik isertitsipput
Allattoq Bikki P. Kleist
aggustip 16-at 2018 09:07
Isertitsinerpassuit N-48 aamma Kugsak 45 unammineranneersuupput, Ilulissaneersummi N-48 Qasigiarmiunut unammigamik 13-1-mik ajugaapput.
Kugsak 45-meersoq, 47-nik ukiulik, Jonas "Kidi" Hansen målertutuaavoq, N-48-meersorlu nukalersaasoq, 14-inik ukiulik, Nemo Thomsen pingasoraarluni målerluni.
UB-83 Kagssagssuk-mut ungammigamik 3-0-mik ajugaavoq aamma B-67 K33-imut unammigami 5-0-mik ajugaavoq.
Unamminerni kingullerni IT-79 Eqaluk-54-mut unammigami 8-1-mik ajugaavoq.
N-48 aamma B-67 unamminerni suli ajorsanngillat.
Ullumilu nal. 13.15 unamminerit aallartippata UB-83 aamma N-48 unammissapput unamminerillu toqqaannartumik aallakaatinneqassallutik isiginnaarluarisi.