Nualluummit coronavirusimit Kinami toqquteqartut maanna 80-inngortut

Nualluummik coronavirusimik Kinami toqquteqartut 24-nik amerlisut uppernarsarneqareersorlu coronavirusimik toqquteqartut maanna 80-inngortut, Kinami oqartussat taama ullumi nalunaaruteqarsimasut nutaarsiassaqartitsiviup AFP-ip allaaseraa.
Inuit coronavirusimik nunani allani tunillanneqarsimasut aamma siumorneqareerput. Inuit arfineq-pingasut Thailandimi tunillanneqarsimapput, tallimallu USA-mi aamma siumorneqarlutik. Assi © : AFP/Ritzau Scanpix
Allattoq Ritzau
januaarip 27-at 2020 07:50
Nutserisoq Mads Lynge

Inuit 769-it allat aamma tunillanneqarsimapput, tunillanneqarsimasut katillutik 2740-t maanna sinnerpai.

Coronavirusip Kinap qiterpasissuani illoqarfissuarmi Wuhanimi uumasunik anngiortumik tuniniaavimmit siaruaassimanissaa ilimagineqarpoq, teriarsuit pulateriaarsuillu allallu tassani tuniniarneqartarlutik.

Uumasunik anngiortumik tuniniaanerit maanna inerteqqutaalluinnalersut Kinap sapaammi nalunaarutigaa.

AAMMA ATUARUK Corona virusimik tunillatsittut toqusullu amerliartorput

Inuit coronavirusimik nunani allani tunillanneqarsimasut aamma siumorneqareerput. Inuit arfineq-pingasut Thailandimi tunillanneqarsimapput, tallimallu USA-mi aamma siumorneqarlutik.

Kinalli avataani coronavirusimik maannamut toqquteqartoqarsimanngilaq.

Coronavirusimik nappaalanerup nunani tamalaani aarlerinaatilittut, Naalaagaaffiit Peqatigiit peqqissuunissaq pillugu suleqatigiiffiata WHO-p suli nalilernianngilaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq