Nuummi politiit: Ikuallattoq qanillinagu
Putsup ulorianarsinnaanera pillugu qatserisartut ittuat qanillattueqqusinngilaq.
Skrevet af Anne Meisner Synnestvedt
20. april 2021 22:21
Versionist Alice Sørensen
Nuummi Iggiaani Royal Arctic Linellu umiarsualiviani illorsuaq Usisaammit pigineqartoq marlunngornermi unnukkut ikuallalerpoq.
Qatserisartut qamisaapput, inuillu ikuallattumut qanillattuinnginnissannik erseqqissaapput.
- Ikuallaffiup pujuliornerata ulorianarsinnaanera ilimanaateqarpoq, Nuummi politiini pigaartut pisortaat Søren Bendtsen oqarpoq.
- Taamaammat qanittumi najugallit qanillinaveersaassapput, isersimaannassapput igalaatillu matullugit.
