Tasiilap eqqaani nuna ullaap tungaani sajuttoq
Richterip nunap sajunneranut uuttuutaa malillugu 3.8-tut sakkortussusilimmik nuna ullaaq nalunaaqutaq 7.51 sajuppoq.
Skrevet af Sara K. Jakobsen
Tamannalu annertungaatsiartoq, GEUS-imi nunap sajuttarneranik ilisimatooq, Trine Dahl-Jensen, oqarpoq.
- Nalunaaqutaq 7.51 nuna sajuppoq. Nunap sajuffia Tasiilap kujataata-kangiani kilometerinik 25-nik ungasitsigisumiippoq. Richterip nunap sajunneranut uuttuutaa malillugu nunap sajunnera 3,8- tut sakkortussuseqarpoq, tamannalu annertungaatsiarpoq, Trine Dahl-Jensen KNR-imut oqarpoq.
Nuna sajuttoq sumiiffinni arlalinni GEUS-ip nakkutigisaani takuneqarsinnaasoq, Trine Dahl-Jensenip oqaatigaa.
Ilaatigut Tasillami, Isortumi, aamma Kangerlussuup timaani Summit Campimi nuna sajuttoq nalunaarsorneqarpoq.
Aseruatitertorsimanersoq suli paasineqanngitsoq, Tasiilami politiit oqaatigaat.