Paamiut mittarfittaarpoq
Paamiormit ukiut 30-it missaannik utaqqisimallutik kiisami ullumi mittarfittaarput
Skrevet af Jaaku Lyberth
Nalunaaqutaq ullup qeqqanut Air Greenlandip timmisartua DASH 7 Paamiut mittarfittaavannut mippoq, pisortatigoortumik ammaanersiornermi peqataajartortunik ilaasoqarluni, ilaatigut naalakkersuisuinik inatsisartunillu ilaasoqarluni.
Timmisartut inigisartagaanni Hangarimi meeqqat erinarsuutaannik erinarsortoqarpoq, nipilersortartup erinarsortartullu ilisimaneqarluartup Enok Poulsenip Paamiut mittarfittaarneranut atatillugu immikkut erinarsuusiaa tusarnaartitsisutigineqarluni. Innuttaasut timmisartuunneqarput, timmisartullu inigisartagaanni hangarimi aliikkusersuisoqarluni.
Paamiormiunut nalliuttorsiorneq puigunaatsoq.