Sikaritsit pillugit nalunaarusiaq saqqummiuppaat
Sikaritsit akoorutissanik peqqissutsimut ajoqusiisinnaasunik ikinnerpaamik 200-nik akoqarnerannik nalunaarusiaq nappaassuarmik kræftimik akiuiniaqatigiit Kræftens Bekæmpelse-p Danmarkimi sapaatip-akunnerata naanerani saqqummiuppaa.
Saqqummiussaq tunngavigalugu Danmarkimi politikerit inerteqquteqalersitsinissaq piaartumik anguniarusuppaat, EU-li suli utaqqimaarlugu.
Sikaritsit toqunartunik akoorneqartarnerata inerteqqutigineqalernissaanik suliaq EU-p ukiut arfineq-aappassaa suliaraa, suli kinguneqanngitsumik.
Danskit politikerii amerlanerussuteqartut utaqqikatalerput.
Socialdemokratit, Dansk Folkeparti aamma Radikale-t tamarmik inerteqquteqalernissaq illersoraluarlugu EU-p qanoq iliornissaa utaqqineqartariaqarsoraat, Danmarks Radio taama tusagassiivoq.
- Skandinaviami tupanik akoorutissaliisarnerup inerteqqutaalernissaa angorusoqaarput, taamaammat Danmarkiminngaanniit EU-mut saaffiginnissaagut, aatsaammi taamaaliorutta kinguneqarluarsinnaammat, Radikalineersoq Lone Dybkjær oqarpoq.
Konservativit sinnerlugit Peqqinnissamut ministerinngortup Jacob Aksel Nielsenip pisariaqarsoraa Danmarkip kisimiinnginnissaa.