ICC Kalaallit Nunaannit aningaasatigut tapersersortariaqarpoq
Qanorpiaq Inuit Issittormiut Siunnersuisoqatigiiffiat aningaasalersortariaqartoq assigiinngitsuniit isummersorfigineqarpoq.
Skrevet af Jokum Nielsen
23. november 2007 15:44
Aningaasanik inatsisissap oqallisiginerani erserpoq ICC-mik aningaasalersuineq naalakkersuisunit malunaatilimmik ikilisaaffiginiarneqartoq, aammalu ingerlanneqarneranut naalakkersuisuninngaanniit aqunniarneqartoq. Tassunga tunngatillugu Aqqaluk Lynge oqarpoq naalakkersuisut pisussaaffitik paasisariaqaraat, tassalu aningaasalersuissallutik naalakkersuinikkut akulerunnatik.
Aningaasalersorneqarneranut Palle Christiansen oqarpoq ICC tassaammat suliniaqatigiiffik naalakkersuinikkut attaveqanngitsoq soorunami namminersornerullutik oqartussanit aningaasalersortariaqanngitsoq, tamannali Aqqaluk Lyngemit illua'tungilerneqarpoq, oqarpormi Kalaallit Nunaata ICC kiinnernermini atorluartarnikuugaa, allannguisoqassappallu piffissaliisoqartariaqartoq.
