Matoqqasumik parnaarussiveqalernissaq piviusunngulerunarpoq
Venstre-t Konservativillu naalakkersuisooqatigiinnissaminni siunniussaannut, ullumi pisortatigut saqqummiunneqartumi, nunatsinni eqqartuussiveqarnerup pitsanngorsarnissaa ilanngunneqarpoq.
Skrevet af Jaaku Lyberth
Jyllandspostenimi allaaserisaq malillugu Kalaallit Nunaanni innuttaasut Folketingimilu Atlantikup Avannaani Suleqatigiit qangali matoqqasumik paarnaarussiveqalernissamik kissaataat kiisami piviusungortinneqarsinnaalerpoq.
Naalakkersuisooqatigiinniat siunniussaminni Kalaallit Nunaanni Eqqartuussiveqarneq pillugu Ataatsimiititaliarsuup innersuussutai aallaaviussasut oqaatigaat, tassani eqqartuussisaaseq pillugu, pinerlunnullu inatsisit ilanngunneqassallutik.
Anguniakkanut ilangunneqarpoq Nuummi matoqqasumik paarnaarussiveqalernissaa, Jyllandspostenimi tamanna atuarneqarsinnaavoq.