Prins Joachim aamma Marie Cavallier maajip 24-ani katissapput
Pissiariit kunngikkormiutut ataqqinassusilik Prins Joachim aamma franskeq arnaq Marie Cavallier arfininngornermi maajip ulluisa 24-anni katissapput. Møgeltønderip oqaluffiani katitsissuussaaq Biskopi Erik Normann Svendsen.
Kunngikkormiut tusagassiuutitigut nalunaaruteqarnerminni allapput, katitsinerup kingorna qanigisat ilagalugit Schackenborgip ilussaarsuani katittut nalliuttorsiutigineqarumaartut. Prins Joachim aamma Marie Cavallier oktobarip ulluisa pingajuanni assammiortaarput, assammiortaarnerminnilu Marie Cavallier oqarpoq, katereerunik Danmarkimut nuunniarluni. Katittoqarnerani oqaluffik atorneqartussaq Mølgetønderip oqaluffia, kunngikkormiunit kingullermik atorneqarpoq, prins Joachimip ernera nukarleq Prins Felix oktobarip qaammataani ukioq 2004-mi kuisimmat.