Elna Egede AG-mi sulisorineqarnianngilaq
Aaqqissuisoqarfimmi sulisut tusagassiorfinnut nalunaarumminni erseqqissarpaat, siulersuisut siulittaasuata iliuusaa akuerinnginnamikku. Tamannalu tunngavilersorlugu sulisut sinniisaannik ilisimatitsisoqarsimannginnera, kiisalu allakkatigoortumik mianersoqqusisoqarsimannginnera. Taamaattumillu isumaqatigiissutinik unioqqutitsineraallutik.
Aaqqissuisoqarfiup tusagassiorfinnut nalunaarumminni paasiuminaatsinnerarpaat Ole Kielmann Hansen-ip Elna Egede-mik suleqatikkuminaanneraanera isumaqatiginnginnamikku.
Aaqqissuisoqarfiup iliuusaasoq akueriuminaatsippaat, allanngorteqqullugulu. Tusagassiortut Peqatigiiffiat suliamut akuliutereersimanerarlugu tusagassiuutinut nalunaarummi naggasiisoqarpoq.