Arnaq 39-inik ukiulik ataasinngornerup marlunngornerullu unnuaani saassussunneqarpoq, niaqqumigullu ajoquserneqarluni.
Kalaallit Nunaata Radioa aqqutigalugu Nuummi politiit takunnissimasinnaasunik ikiortissarsiornerisa kingorna, angut 24-nik ukiulik tigusarineqarpoq. Saassussinerup nalaani angut aalakoorsimavoq eqqaamasaqarsinnaasimananilu.
Angutip atisai aattaqarsimapput, aallu taanna arnamit pisuunersoq misissorneqaleruttortoq, Nuummi politiit oqaluttuarput.
Arnaq niaqqumigut isimmittarneqarsimavoq, niaquatalu saarngisa ilai nallorlutik, amiialatersimaqaarlu.
Saassussinerup nalaani takunnissimasunik Nuummi politiit paasiniaapput, angutip saassussisimanera uppernarsarneqarniassammat.