2008-mi aningaasanut inatsisissamut akuersisuupput naalakkersuisoqatigiit Siumut Atassullu. Saniatigulli Inuit Ataqatigiit Kattusseqatigiit partiiallu aamma akuersillutik taasipput. Sermitsiaq.gl allappoq akerliullutik taasisutuaasut Demokraatineersut.
Aningaasanut inatsimmi aallaqqaammut amigartoorutissatut tagginneqaraluarput 200 millioni koruunit missaaniittut, akuersissutigineqarporli tassa 300 millioner koruuninik amigartooruteqartussanngorlugu.
Inatsisartut ukiaq manna ataatsimiinnerat inaarlugu nalunaaquttap akunnerini pingasuni aningaasanut inatsisissaq oqallisigineqarpoq, aamma saniatigut allat siunnersuutit 19-it taasissutigineqarput.