Kalaallit Nunaanni inuussutissat USA-mut tunisassiarineqarsinnaasut pillugit isumasioqatigiittoqaleråput
Kalaallit Nunaanni inuussutissat USA-mut tunisassiarineqarsinnaasut pillugit isumasioqatigiinneq, ulluni tulliuttuni marlunni ingerlanneqartussaq, ualimut Katuami aallartissaaq.
Washingtonimi danskit aallartitaqarfiat, Danmarkimi inuussutissat pillugit pisortaqarfik, Fødevarestyrelsen, amerikamilu nerisassanik nittarsaassisarfiit annersaasa ilaat isumasioqatigiinnermi peqataassapput.
Amerikami niivernikkut ministereqarfimmit saqqummiussisoqassaaq, USA-imi inuussutissarsiutitigut aningaasarsiornikkullu pissutsit paasissutissiissutigineqassallutik.
Kalaallit Nunaat toqqaannartumik USAmut tunisassiunngilaq, isumasioqatigiinnermili tunisassiarineqarsinnaajumaarput saqqummiunneqassapput.
Isumasioqatigiinneq kalaallit, danskit amerikamiullu ukioq 2004-mi Igalikumi isumaqatigiissuteqarneranit aallaaveqarpoq.