Danmarkimi qinersineq ammarneqareerpoq

Danmarkimi qinersinissaq nalunaaqutaq qulingiluanut ammarneqarpoq – tassa uagut nalunaaqutarput malillugu nalunaaqutaq tallimanut. Taasisinnaasut 4 millioni 25.000.157-iusut Folketingimut ilaasortassanik nutaanik qinersissapput, tassa Kalaallit Nunaanni Savalimmiunilu qinersisartut ilanngullugit.
13. november 2007 05:25

Qinigassat 808-pput, taakkunannga arnat 260-iullutik, taakkulu partiinut qulingiluanut partiillu avataaneersunut agguataarnikuupput.

Folketingimut ilaasortassat 179-it qinerneqartussaapput, Kalaallit Nunaanniit marluk aamma Savalimmiuniit marluk akuussallutik.

Naalagaaffimmi pissutsinut ministereqarfimmit oqarnerat naapertorlugu, nuna tamakkerlugu inernerit Danmarkimi nalunaaqutaq malillugu unnugu aqqaneq qaangerlugu tanneq pingasut missaanni – tassa uagut nalunaaqutarput malillugu unnugu nalunaaqutaq arfineq-marluk arfineq-pingasullu akornanni - paasinarsissagunarput.

Danmarkimi qinersineq KNR-TV –ip ualeru nalunaaqutaq sisamaniit unnugu nalunaaqutaq qulingiluat tungaanut aallakaatissavaa – Kalaallit Nunaannilu qinersinermiit unnugu Qanoruup kingorna, tassa nalunaaqutaq qulip-qeqqaniit KNR-TV aallakaatitsilerumaarpoq.

Læs også

Døgnrapport: Indbrud og flere forsøg på indbrud natten igennem