Kim Andersen: Kalaallit politikerii isumaqatigaakka
-Suliassat taama pingaaruteqartigisut naammassiniarneqartariaqarput, paasisinnaavaralu ilaasortat taarsernagit suliap ingerlatiinnarnissaa ornigineqarmat, aamma ilaasortat, Kuupik Kleist, Christian Mejdahl, Frank Jensenilu Folketingimut qineqqusaanngikkaluartulluunniit. Uangali Folketingimut qineqqusaarneq aallarteruttortoq aalajangersinnaanngilara qanoq iliortoqassanersoq, sulimi naluarput kikkut Folketingimut qinigaassanersut, Venstrep Kalaallit Nunaat pillugu oqaaseqartartua, Kim Andersen oqarpoq.
Namminersorneq Pillugu Isumalioqatigiissitami ilaasortat, maannakkulli Folketingimut qineqqusaanngitsut, nalunaqaat qinersineqareerpat ilaasortaaginnarusunnersut. Kalaallit Nunaanniit ilaasortaq Kuupik Kleist ilaasortaaginnarusussinnaalluni oqarpoq, Christian Mejdahlili Frank Jensenilu oqaaseqartissinnaasimangilagut.