-Timmisartut DASH-iugaluartut uagut timmisartuutivut DASH-7-nit-100-t SAS-ip atorumajunnaagaanut DASH-8-Q-400-nut assersuunneqarsinnaanngillat. DASH-7-ip minnermut atortuini periutsit allat atorneqarput, Air Greenlandimi teknikkikkut pisortaq Peter Bjerre oqarpoq.
SAS-ip timmisartuutaasa minnerliornerini pingasuni pineqartuni tamatigut minnermut atortui pissutaasarsimapput. SAS-ip timmisartuutilittut tatigineqarnini innarlerneqaqqunagu, timmisartuutini DASH-it tamaasa ippassaq angallannermi atoqqikkumajunnaarpai.