IA-p Helle Thorning Schmidt ministeriunertut toqqarusuppaa
Inuit Ataqatigiit maanna nalunaarutigaat partiip Helle Thorning Schmidt ministeriunissatut toqqarniaraa.
Skrevet af Elisa Isaksen
- Kia ministeriuninngorsinnaaneranik naatsorsuinermi nunatsinnit Savalimmiunillu ilaasortanngortussat sisamaasut aalajangiisussanngorsinnaanerat puigorneqartarpoq, IA-p qinigassanngortitai tusagassiuutinut nalunaarumminni allapput.
IA-kkut taamatut toqqaanertik tunngavilersorlugu allapput, Danmarkimi nunatta soqutigisaanik illersuerusuttunik naalakkersuisoqalernissaa pingaartikkitsik, minnerunngitsumik nunatta namminersulernissaanut atatillugu. Tassami partii isumaqarmat soorlu nunatsinni uuliasiulernissamut atatillugu Venstret, Konservativit Dansk Folkepartillu nunatta soqutigisai isumalioqatigiissitami illersorsimanngikkaat.