Assammik arsartartut nunatta nunanut allanut unammisartui sungiusarput

Nuummi assammik arsartartut pikkorinnerpaat imaannanngitsumik suliassinneqarsimapput.
Skrevet af Elisa Isaksen
27. oktober 2007 17:06

Tassami taakkua massakkorpiaq Nuummi Inussivimmi angutini inersimasuni Nunatta nunanut allanut unammisartui unammileruttorpaat.

Angutit nunanut allanut unammisartut ulluni makkunani sungiusaqatigiillutik Nuummiipput.

Nuummi timersoqatigiiffiit angutini inersimasuni assammik unammisartullit Pisiffiup aaqqissugaanik unammisaqattaaqqammerput. Unammisaqattaarnermi Nûk I ajugaasuupput, tassa ajorsartikkamikkit Nûk II, GSS aamma Team Nuuk City. Nûk II unammisaqattaarnermi normu 2-nngorput.